NJOFTIM

Të nderuar pajtimtarë të Plus Communication,

Ju informojmë se shoqëria Plus Communication sh.a, do të ndërpresë veprimtarinë e saj të ofrimit të shërbimeve të telefonisë së lëvizshme kundrejt pajtimtarëve të saj në datën 01.01.2018.

Brenda këtij afati kohor të gjithë pajtimtarët me parapagesë duhet të konsumojnë balancat e tyre të mbetura, ndërsa të gjithë pajtimtarët me kontratë duhet të shlyejnë të gjithë detyrimet sipas kontratës së pajtimit.

Për të siguruar vazhdimësinë në shërbimet e telefonisë së lëvizshme, ju këshillojmë të kaloni tek një nga operatorët celularë që operojnë në treg. Në përfundim të afatit të mësipërm, ju nuk do të keni më mundësi për mbajtjen dhe përdorimin e numrit/numrave që dispononi sipas SIM kartave të emetuara dhe të dhëna në perdorim nga shoqëria Plus Communication Sh.a.

Numrat 066, të alokuara shoqërisë Plus Communication Sh.a. për ofrimin e shërbimeve të komunikimeve elektronike, do të kalojnë në administrimin e AKEP, menjëherë në datën 01.01.2018.


PLUS ju falenderon të gjithëve JU që zgjodhët numrat PLUS për të komunikuar dhe na mbështetët në gjithë këto vite bashkëpunimi!